വെറുതെയൊരു മോഹം...........
ഒന്നുഞാന് ചോദിക്കട്ടെ...എന്പ്രിയേ...,
എന്റെയീ ദേഹത്തോട്....ഹൃദയത്തിനോട്....,
ഒന്ന് ചേര്ന്നുനില്ക്കാമോ.....?
നിന്നിലെ ചുടു നിശ്വാസങ്ങള്, നിന്നിലെ സുഗന്ധം,
എന്നിലേക്ക് കൂടി പകരാനാണ്....!
ഈ നിലാമഴയില് നീയെന്നിലേക്ക്
ചേര്ന്ന് നില്ക്കുമ്പോള്,
നിന്റെയീ ഹൃദയതാളത്തിനൊപ്പം,ചേര്ന്ന്-
എന്റെയീ തുടിതെറ്റുന്ന മിടിപ്പുമായൊരു,
സമദൂര സഞ്ചാരത്തിനെനിക്ക് കൊതിയായി.
വരണ്ടുകീറിയ എന്റെയീ ചുണ്ടുകളെ,
നിന്റെയീ ചുണ്ടുകളിലെ മൃദുകണങ്ങള് കൊണ്ടൊന്ന്,
നനയ്ക്കാനായ് ഞാന് കൊതിക്കുന്നു.
കറുത്ത മൂടുപടമണിഞ്ഞ,
എന്റെയീ കണ്ണുകളെ പ്രഭാപൂര്ണ്ണമായൊരീ-
നിന് നീര്മിഴികള് കൊണ്ട് പ്രകാശിതമാക്കാന്,
എനിക്കേറെ മോഹം....!
ഒന്നുഞാന് ചോദിക്കട്ടെ...എന്പ്രിയേ...,
എന്റെയീ ദേഹത്തോട്....ഹൃദയത്തിനോട്....,
ഒന്ന് ചേര്ന്നുനില്ക്കാമോ.....?
-------------------------------------------------------------
അജയ്മാധവ്-ശൂരനാട്
27/03/2014
Fujairah,U.A.E
No comments:
Post a Comment