*** തെളിയും നിലാവ്........
************************
നിന്‍ കണ്ണുകളെന്തിനു വെറുതേ...ഈ-
നൊമ്പരകാഴ്ചകള്‍ കാണാനോ.....?
നിന്‍ കാതുകളെന്തിനു വെറുതേ...ഈ-
നൊമ്പരവാക്കുകള്‍ കേള്‍ക്കാനോ.....?
എന്‍നെഞ്ചിലൂറുന്നോരലിവോ....., അത്-
നീ തേടുന്നോരാ സ്നേഹാമൃതമോ....?
വര്‍ണ്ണങ്ങള്‍ ചാലിചോരെന്‍ കനവ്‌....., നിന്‍-
മുഖചിത്രത്തിലായ്‌ പകര്‍ന്നോട്ടെ....?
നീര്‍നിറയുമാ നിന്‍മിഴികള്‍ എന്‍-
മൃദുചുംബനം കാത്തങ്ങരിപ്പോ.....?
നിന്‍ കണ്‍കളില്‍ തെളിയും നിലാവെന്‍....,
ചിന്തകള്‍ ശോഭിതമാക്കും ...!
നിന്‍ കാതിലേക്കൊഴുകുമെന്‍ തേന്‍മൊഴികള്‍....,
നിന്‍ ചുണ്ടിലെ പുഞ്ചിരിയായ്‌ മാറും......!
എന്നും നീ കൂടെയുണ്ടെന്നാല്‍ നിനക്കായ്,
ഞാനൊരു സ്വപ്നസാമ്രാജ്യം തീര്‍ക്കും....!
ആ സന്തോഷവൃന്ദാവനത്തില്‍ നാം....,
കണ്ണനും, രാധയുമായ് മാറാം......!
*******************************
അജയ്മാധവ്-ശൂരനാട്
12/03/2014
No comments:
Post a Comment