വയറൊട്ടി വലിഞ്ഞോരീ പുഴമരിക്കുന്നു....!
നനയാതെ തൊണ്ടകീറി ചത്തുവീഴുമീ കാട്ടുമക്കള്‍...!
കുടലുകള്‍ കരിഞ്ഞ്,
പൊടിപറക്കും പഴയൊരാ കാടുകള്‍ ....!
വരണ്ടുകീറി ഉഴലുമാ നെല്‍പ്പാടങ്ങള്‍,
കിണറുകള് താവളമാക്കി ചിതലുകള്‍...!
തീക്കാറ്റില്‍ നിലംപൊത്തി, വന്മരങ്ങള്‍...!
ചിറകടിയില്ലാത്ത കിളിക്കൂടുകള്‍....!
വെട്ടിനുറുക്കിയാ സൗന്ദര്യം....,
പെയ്തൊഴിഞ്ഞോരാ സൗരഭ്യം.
മണ്ണ്ചുട്ടു കീശവീര്‍പ്പിച്ചവര്‍,
പുഴയും,നീര്‍ച്ചാലും കീറിവിറ്റവര്‍,
കടലുവില്‍ക്കാന്‍ വിലപേശുവോര്‍,
തെരുവില്‍ മകളെ ചരക്കാക്കിവയ്ക്കുവോര്‍....!
തീപിടിപ്പിക്കും ചിന്തകള്‍,
ശീതളമുറികളില്‍ ചര്‍ച്ചകള്‍,
വെളുക്കെചിരിക്കുന്ന രാഷ്ട്രീയഹിജഡകള്‍,
നാമിത് ദിനങ്ങളില്‍ കാണുന്ന കാഴ്ചകള്‍.....!
പ്രകൃതിയോടു മാനവന്റെ-
ക്രൂരകാരുണ്യചുംബനം.
കാതലും,ഫലവും ക്ഷയിച്ചീ ഭൂവിതാ,
മുക്തിമാത്രം കാത്ത്, അന്ത്യനേരവും കാത്ത്...!
---------------------------------------------------------
അജയ്മാധവ്-ശൂരനാട്
31/03/2014
Fujairah, U.A.E
No comments:
Post a Comment